फोटो गॅलरी

एकता, अखंडता आणि राष्ट्रीय अभिमानाचा संदेश देणाऱ्या सरदार वल्लभभाई पटेल यांच्या जयंतीनिमित्त साजऱ्या होणाऱ्या राष्ट्रीय एकता दिनानिमित्त नवी मुंबई पोलीस आयुक्तालयात पोलीस अधिकारी व अंमलदारांनी राष्ट्रीय एकता दिनाची शपथ घेतली. देशाची एकता, अखंडता आणि सुरक्षितता जपण्याचा संकल्प यावेळी करण्यात आला.

सेवेतील उल्लेखनीय योगदानानंतर निवृत्त होणाऱ्या पोलीस अधिकारी व अंमलदारांच्या पुढील वाटचालीसाठी मनःपूर्वक शुभेच्छा!

राष्ट्रीय एकता दिवस २०२६ निमित्त आयोजित राष्ट्रीय मोटरसायकल रॅलीच्या माध्यमातून अमली पदार्थांच्या दुष्परिणामांबाबत जनजागृती करत नशामुक्त भारताचा संकल्प अधिक दृढ करण्यात आला. नशामुक्त भारत, सशक्त भारत!

महाराष्ट्र शासनाच्या अपर मुख्य सचिव (गृह) मा. श्रीमती मनीषा पाटणकर-म्हैसकर यांची नवी मुंबई पोलीस आयुक्तालय व पुरावा व्यवस्थापन केंद्रास (EMC) भेट दिली व तेथील कामकाजाची माहिती घेतली.

पोलीस स्मृती दिनानिमित्त शहीद वीर पोलीस जवानांना भावपूर्ण श्रद्धांजली! देशाच्या सुरक्षेसाठी आणि नागरिकांच्या रक्षणासाठी कर्तव्य बजावताना आपल्या प्राणांची आहुती देणाऱ्या शूर पोलीस वीरांच्या शौर्याला, त्यागाला आणि समर्पणाला विनम्र अभिवादन. त्यांच्या अतुलनीय बलिदानाचे स्मरण सदैव प्रेरणा देत राहील.

नवी मुंबई पोलीस जिद्द, जिद्दीतून यश आणि खेळातून एकतेचा संदेश ! दिनांक ९ ऑक्टोबर २०२६ रोजी आयोजित ३०व्या नवी मुंबई विभागीय वार्षिक पोलीस क्रीडा स्पर्धा २०२६ मध्ये खेळाडूंनी आपल्या उत्कृष्ट क्रीडाकौशल्याने, शिस्तीने आणि खिलाडूवृत्तीने मैदान गाजवले. प्रत्येक स्पर्धेत दिसून आलेली जिद्द, विजयासाठीची मेहनत आणि सांघिक भावनेने या स्पर्धेला विशेष रंगत आणली. सर्व सहभागी खेळाडूंचे आणि विजेत्यांचे मनःपूर्वक अभिनंदन! त्यांच्या पुढील वाटचालीसाठी हार्दिक शुभेच्छा!

नवी मुंबई गुन्हे शाखेच्या विविध पथकांनी केलेल्या कारवाईत २३ गुन्हे उघडकीस आणून सुमारे ₹१८.४२ लाखांचा मुद्देमाल हस्तगत करण्यात आला. चेन स्नॅचिंग, घरफोडी, जबरी चोरी आणि अंमली पदार्थांविरोधातील या कारवाया नागरिकांच्या सुरक्षेसाठी नवी मुंबई पोलीस दलाची कटिबद्धता अधोरेखित करतात. सतर्क राहा: संशयास्पद हालचालींची माहिती तात्काळ पोलिसांना द्या.

नशामुक्त नवी मुंबईच्या दिशेने आणखी एक ठोस पाऊल! नवी मुंबई पोलिसांनी ‘Drug-Free Navi Mumbai' मोहिमेअंतर्गत ७२६ किलो अंमली पदार्थांचा नायनाट केला. तलोजा येथील अधिकृत केंद्रात करण्यात आलेल्या या कारवाईत सुमारे ₹२६.३० कोटी किमतीचे अंमली पदार्थ नष्ट करण्यात आले. अंमली पदार्थांचा प्रसार आणि गैरवापर रोखण्यासाठी नवी मुंबई पोलिसांची कारवाई सातत्याने सुरू आहे. नशामुक्त नवी मुंबई – सुरक्षित नवी मुंबई!

सेवेचा प्रवास संपतो, पण कर्तव्याची आणि समर्पणाची आठवण कायम राहते. नवी मुंबई पोलीस दलातील सेवानिवृत्त होणाऱ्या सर्व पोलीस अधिकारी व अंमलदारांना मनःपूर्वक शुभेच्छा! आपल्या प्रदीर्घ आणि समर्पित सेवेसाठी मनःपूर्वक आभार. सेवानिवृत्तीनंतरचे आयुष्य आनंदी, निरोगी आणि समाधानाचे जावो, हीच सदिच्छा. आपल्या पुढील वाटचालीस हार्दिक शुभेच्छा!

नवी मुंबई पोलीस आयुक्तालय अंतर्गत सहाय्यक पोलीस आयुक्त, पनवेल विभाग कार्यालयाच्या नूतनीकरणाचे उद्घाटन मा. श्री. मिलिंद भारंबे, भा.पो.से., पोलीस आयुक्त, नवी मुंबई यांच्या शुभहस्ते दिनांक 23 सप्टेंबर 2026 रोजी उत्साहपूर्ण वातावरणात संपन्न झाले. यावेळी वरिष्ठ पोलीस अधिकारी, मान्यवर तसेच पोलीस अधिकारी व अंमलदार यांची उपस्थिती लाभली. नूतनीकृत कार्यालयाच्या माध्यमातून नागरिकांना अधिक तत्पर, प्रभावी व लोकाभिमुख पोलीस सेवा देण्यासाठी आम्ही सदैव कटिबद्ध आहोत. नवी मुंबई पोलीस | पनवेल विभाग

उद्याच्या सुरक्षित आणि सक्षम समाजासाठी आजच्या तरुणाईला योग्य दिशा देण्याचा संकल्प नवी मुंबई पोलिसांच्या 'कॅम्पस कनेक्ट' अभियानाचा शुभारंभ डी. वाय. पाटील कॉलेज येथे महाराष्ट्राचे मुख्यमंत्री मा. श्री. देवेंद्र फडणवीस यांच्या हस्ते करण्यात आला. अमली पदार्थांपासून दूर राहण्यासाठी विद्यार्थ्यांमध्ये सजगता निर्माण करणे, सकारात्मक विचारांना प्रोत्साहन देणे आणि योग्य निर्णय घेण्यास प्रेरित करणे, या उद्देशाने या अभियानाची वाटचाल नवी मुंबईतील विविध शैक्षणिक संस्थांमध्ये होणार आहे. चला, एका अशा पिढीला प्रेरणा देऊया जी उज्ज्वल भविष्याची निवड करेल. हेल्पलाइन: १९३३ अनामिकपणे तक्रार करा: ८८-२८-११२-११२

नवी मुंबईच्या सुरक्षिततेच्या दिशेने आणखी एक महत्त्वाचे पाऊल! नवी मुंबई पोलीस आयुक्तालयाच्या इंटिग्रेटेड CCTV कमांड सेंटर (ICCC) चे उद्घाटन व कोनशिला अनावरण मुख्यमंत्री मा. श्री. देवेंद्र फडणवीस यांच्या हस्ते संपन्न झाले. आधुनिक तंत्रज्ञानाच्या माध्यमातून शहरातील सुरक्षा व्यवस्था अधिक सक्षम, प्रभावी आणि तत्पर करण्याच्या दिशेने हा महत्त्वपूर्ण टप्पा आहे. सुरक्षित नवी मुंबई, सक्षम नवी मुंबई !

नवी मुंबई पोलीस कर्तृत्वाचा सन्मान, उत्कृष्ट सेवेचा गौरव! नवी मुंबई पोलीसांच्या पदक वितरण समारंभ २०२६ मध्ये उल्लेखनीय आणि उत्कृष्ट सेवा बजावणाऱ्या पोलीस अधिकारी व अंमलदारांचा सन्मान करण्यात आला. त्यांच्या समर्पणाला आणि कर्तृत्वाला मनःपूर्वक सलाम !

भारताच्या ८०व्या स्वातंत्र्य दिनाच्या हार्दिक शुभेच्छा ! देशाच्या स्वातंत्र्यासाठी आपल्या प्राणांची आहुती देणाऱ्या वीर शहीदांना विनम्र अभिवादन. नवी मुंबई पोलीस यांच्या वतीने सर्व नागरिकांना ८० व्या स्वातंत्र्य दिनाच्या मनःपूर्वक शुभेच्छा ! जय हिंद! जय भारत !